تامر أمين يعلق على جدل فيديو أحمد حلمي مع زوج كارمن سليمان

كتبت- نوران أسامة:

علق الإعلامي تامر أمين، على حالة الجدل التي أثيرت مؤخرا حول النجم أحمد حلمي بعد تداول فيديو مقتطع عبر وسائل التواصل الاجتماعي يجمعه مع زوج المطربة كارمن سليمان.

وقال "أمين" ببرنامج "آخر النهار": "لما حصلت الهوجة على السوشيال ميديا أحمد حلمي رد في الأول بصورة لها معنى إنه مش شايفكوا ومش سامعكوا، وأنا استغربت وقولت مش أحمد اللي يعمل كدة.. أحمد حساس ولطيف وبيحب جمهوره ويحافظ على إحساس جمهوره".

وأضاف: "إمبارح أو النهاردة أحمد نزل بوست يشرح فيه القصة، لكن البوست مفيهوش طبطبة على اللي زعل، عندي رسالة واحدة لأحمد حلمي، فيها إيه لو قلنا للناس مكانش قصدي وحقكم عليا، حاولت أهزر وأطلع إفيه غير موفق.. بالعكس هتكبر أكتر ما إنت كبير في نفوس وعيون الناس".